08 апр 10:45Фиқҳ / Ораза

ОРАЗАНЫҢ ШӘРТЛЕРИ


ОРАЗАНЫҢ ШӘРТЛЕРИ



Ораза туўры болыўы ушын үш шәрт табылыўы керек болады.

Биринши шәрт – мойынға лазым болыў шәртлери.

Бул шәртлер төртеў:

1. Ислам. Мусылман болмаған адамға ораза парыз болмайды. Ондай адам ораза тутса да, оразасы ибадат орнына өтпейди. Кәпир адам Рамазанда Исламға кирсе, сол күннен баслап ораза тутады.

2. Ақыл. Ақылы жоқ адамға ораза парыз болмайды, себеби ол мукәлләф емес.

3. Балағат. Балағатқа жетпеген жас балаларға ораза парыз болмайды. Рамазан айында балағатқа жеткенлер сол күннен баслап ораза тутыўды баслайды.

4. Оразаның парыз екенлигин билиў.

Екинши шәрт – оразаны тутыў ушын лазым шәртлер:

Бул шәртлер екеў:

1) Саламат болыў. Кесел болған адамға ораза тутыў ўәжиб емес.

2) Муқим болыў. Сапардағы адамға ораза тутыў парыз емес. Ол сапардан қайтқанда қазасын тутып береди.

Ушинши шәрт – оразаның туўры болыў шәртлери.

Бул шәртлер үшеў:

1) Нийет. Нийетсиз ораза дурыс болмайды.

2) Нифас ҳәм ҳайздан пәк болыўы. Нифас ҳәм ҳайзли болатурып тутылған ораза дурыс болмайды.

3.Оразаны бузатуғын нәрселерден аўлақ болыў. Ораза тутып турғанда оны бузатуғын нәрселер болып қалса, ораза қалмайды. Орнына қазасын тутып бериўи лазым болады.

Рамазан оразасын            тутыў ҳәм қазасы шәрий күндиздиң ярымынан алдын нийет қылыў менен туўры болады.

Мәлим болғанындай қылыныўы лазым болған әмелди шәриятта белгиленген ўақытта қылыў «ада» делинеди. Қылыныўы лазым болған әмелди белгиленген ўақыттан кейин бежериў «қаза» делинеди.

Рамазан оразасын ўақтында тутыў парыз болады. Егер ол ўақтында ада қылынбаған болса, қазасын тутыў парыз болады.

Сондай-ақ, каффарат оразалары да ўәжиб болады. Биреўди қәтелесип, абайламастан өлтирип қойған яки ҳаялын зиҳар қылған адам басқа каффаратларды бежере алмаса, избе-из арасын үзбестен еки ай ораза тутыўы ўәжиб болады.

Шәрий күндиз - таң атқаннан (субҳи содиқтан) басланып, қуяш батқанша даўам етеди. Шәрий болмаған күндиз болса «сөзликтеги күндиз» деп аталады ҳәм ол қуяш шыққаннан баслап батқанша даўам етеди. Демек, ораза тутпақшы болған адам таң атқаннан баслап күндиздиң ярымына шекем нийет қылып алса, оразасы туўры болады.


Дерек: Islom.uz сайты


Добавить комментарий
Ваше Имя:
Ваш E-Mail:
Код:
Кликните на изображение чтобы обновить код, если он неразборчив
Введите код: