12 ноя 18:59Бөлимлер / Фиқҳ

Имам Шофеъий

Имам Шофеъий


Шофеъий мәзҳабының тийкаршысы Муҳаммад ибн Идрис ибн Аббас ибн Усман ибн Шофеъий ибн Соиб ибн Әбиўлязид ибн Ҳошим ибн Мутталиб ибн Абдуманоф (кунясы Әбиў Абдуллаҳ әл-Қурайший) ҳижрий 150-жылы (милодий 767) Палестинаның Ғазза қаласында туўылған. Оның шығысы Пайғамбарымыз саллаллаҳу алайҳи ўа салламның шығысына барып тутасады.
Имамның жаслығы Мәккәда өтти, жети жасында Қураны кәриймди, он жасында Имам Маликтиң «Муўаттоъ» китабын толық ядлап алады.Кейин ала Холид аз-Занжий ҳәм Малик ибн Анастан фиқҳ ҳәм ҳәдис илимин үйренеди. Он бес жасында устазы Муслим ибн Холид пәтўа бериўге руқсат береди. Имам Аҳмад бул адамды екинши ҳижрий әсирдиң мужаддиди, деп атаған ҳәм «Егер Шофеъий болмағанда ҳәдис ҳәм фиқҳты билмеген болар едик», деген. Имам Аъзам, Имам Малик мәзҳабларын пухта үйренип, Шофеъий мәзҳабына тийкар салды. 
Имам Шофеъий фиқҳ мәселелерин шешкенде оларды қайсы қағыйдалар тийкарында шешкенин де жазып барды ҳәм соның менен бирге және бир әҳмийетли илим «Усулул-фиқҳ» (Фиқҳ тийкарлары) жүзеге келди. Сондай-ақ ол ижмаъның шәртлерин, қыястың шегара ҳәм шәртлерин баян етти. 113 китап жазған, олардан ең белгилиси «Китабу ҳужжа», «Рисола», «Әл-умм», «Әл-мабсут», «Ихтилоф ул-ҳәдис», «Сунан», «Муснад», «Ас-салаўат», «Әл-Буйуъ», «Әл-Музораъа» ҳәм т.б. Ҳижраттың 204-жылы Каир (Мысыр) да әлемнен өтти (раҳматуллаҳи алайҳ).
Добавить комментарий