Биринши үлкен гүна. ҮЛКЕН ШИРК


Биринши үлкен гүна



ҮЛКЕН ШИРК

Үлкен ширк – Аллаҳға бир нәрсени шерик қылыў, тең билиў ҳәм Аллаҳ пенен бирге тас, терек, қуяш сыяқлы басқа нәрселерге ибадат қылыў. Ол үлкен гүналардың ең үлкени. Аллаҳтың Ɵзи сақласын.


«Әлбетте, Аллаҳ Өзине ширк келтириўди (ширктиң гүнасын) кеширмейди. Буннан басқа (гүналарды) Өзи қәлеген (бенделер)инен кеширеди.…» (Ниса сүреси, 48).

Яғный, ширкти кеширмейди ҳәм одан басқа гүналарды болса Ɵзи қәлеген бенделиринен кеширеди.Себеби, ширк Аллаҳ тааланың:

«Әлбетте, Аллаҳ ҳәмме гүналарды кеширеди. Әлбетте, Оның Өзи – Кеширимли, Рейимли» (Зумар сүреси, 53), аяты кәримасында «ҳәмме гүналар» түрине кирмейди.


«…Әлбетте, ширк – үлкен зулым» (Луқман сүреси, 13).

Яғный, ширк жаман әмел ҳәм айқын зулым, ол бир нәрсени өз орнынан басқа жерге қойыў, ҳаққын бүлдириў. Ким жаратыўшы менен жаратылған – мақлуқты, илаҳ пенен бут сәнемди тең деп билсе, гүмансыз, ол ақылсыз ақмақ болады. «Залым» деп аталыўына, ҳайўанлар қатарында саналыўына ылайық.

«Ким Аллаҳға ширк келтирсе, әлбетте, Аллаҳ оған жәннетти ҳарам қылады». (Маида сүреси, 72).

Яғный, кимде-ким Аллаҳтан басқаны илаҳ деп итиқад қылса, ҳеш қашан жәннетке кирмейди, деген мәнини уғып алыў мүмкин. Себеби, жәннет Аллаҳты жалғыз деп билиўшилер мәканы.


«…ҳәм оның баратуғын жери дозақ болады. Залымларға жәрдем бериўши жоқ». (Маида сүреси, 72).

Яғный, оның ушын Аллаҳтың азабынан қутқарыўшы ҳәм жәрдемши де болмас. Бул ҳаққында көплеп аятлар келтирилген.

Аллаҳға ийман келтирип мөмин ҳалында қайтыс болған инсан дозақта гүнасына жараса азапланса да, жәннетий болғанындай, Аллаҳға ширк келтирип мушрик ҳалында өлген кимсе, ҳеш гүмансыз дозақый болады.

Бухарий ҳәм Муслим рәўият қылған ҳәдиси шәрийфде былай делинеди:
 «Расулуллаҳ саллаллаҳу алайҳи ўа саллам: «Сизлерге үлкен гүналардың ең үлкенлери ҳаққында ҳабар берейин бе?» – деп үш мәрте сорады. Биз: «Аўа», дедик. «Аллаҳқа ширк келтириў, ата-анаға ақ болыў», – деди. Сүйенген ҳалда еди, отырып алды да: «Абайлы болыңлар, өтирик сөйлеў ҳәм жалған гүўалық бериў», – деп тәкирарлай берди, ҳәтте, биз қәне енди тоқтаса еди», дедик»(Муттафақун алайҳ).

Расулуллаҳ саллаллаҳу алайҳи ўа саллам: «Набыт қылыўшы жети гүнадан сақланыңлар», – деп, Аллаҳға ширк келтириўди зикр қылды.

Расулуллаҳ саллаллаҳу алайҳи ўа саллам айтты: «Ҳәй ибн-Ҳаттоб, барып, адамларға «жәннетке тек ғана мөминлер киреди», – деп жар сал»   (Имам Муслим ҳәм Аҳмад рәўияты).

Аллаҳ тааладан бизлерди Қуран ҳәм сүннетке әмел ҳалда бул дүньядан өтиўимизди сораймыз. Әлбетте, Ол мийримлилердиң ең мийримлиси.

Имам Заҳабийдиң «Үлкен гүналар» китабынан



Добавить комментарий