02 дек 10:11Мақалалар

Дүйшемби күниниң пазыйлетлери

Дүйшемби күниниң пазыйлетлери


Әлемлерге Раҳмет етип жиберилген Пайғамбарымыз саллаллаҳу алайҳи ўа саллам дүйшемби күни дүньяға келген. Бул ҳаққында: «Бул  күн (дүйшемби) Мен туўылған ҳәм пайғамбар етип жиберилген күн"-деген. (Имам Муслим рәўияты).
Ол заттың пайғамбар болыўынан бираз алдын Каабаны қайта қурғанында Ҳажарул асўад (қара тас)ты орнына қойып қәўимлер арасындағы келиспеўшиликтиң алдын алған күн де дүйшемби күнине туўра келеди.(Муҳаммад Ҳамидуллаҳ «Ҳижрий тақўийм ҳәм оның тарийхы»). Сол себепли дүйшемби күни бизлер ушын-машқалаларды шешетуғын ҳәм ийгилик елшиси болатуғын күн.
Пайғамбарымыз саллаллаҳу алайҳи ўа саллам: «Қураны кәрийм маған дүйшемби күни жиберилди», -деген. (Имам Термизий рәўияты).
Бизлер де дүйшемби күнин мойнымыздағы жуўапкершиликтиң әҳмийетин есимизге салатуғын ғамхоршы дос деп қараўымыз керек.
Расулуллоҳ саллаллаҳу алайҳи ўа салламның дүньядан өткен күнлери де дүйшемби күни. (Имам Бухарий рәўияты).
Солай екен дүйшемби күни инсанлардың ең абзалы Пайғамбарымыз саллаллаҳу алайҳи ўа салламға салаўат айтып, тиләўатларымыздың саўабын бағышлайтуғын күн емес пе?
Дүйшемби күни сапар, саўда ҳәм ырысқы табатуғын күн. Себеби, Аллаҳтың Расулы саллаллаҳу алайҳи ўа саллам: «Дүйшемби сапар ҳәм саўда күни», деп мәрҳамат қылған. Саҳабалар оның мәнисин сорағанда: «Себеби усы күни Шуъайб алайҳиссалам саўда қылып  ырысқы табыў мақсетин де сапарға шыққан», деп жуўап берген. (Ибн Можа рәўияты).
Демек, дүйшемби күнин ҳадал ырысқы үмитин де иске кирисиў менен сүннетке ерисиў, саўап алыў күнине айландырыў өзлеримизге байланыслы.
Дүйшембиде бенделер кешириледи. Пайғамбарымыз саллаллаҳу алайҳи ўа саллам мәрҳамат қылып айтады: «Жәннет есиклери дүйшемби ҳәм пийшемби күни ашылады. Аллаҳ таалаға шерик қылмаған ҳәр бир бенде кешириледи. Тек жолдасы менен араларында душпанлық болғанлардан басқа! (Олар ҳаққында): „Екеўи жарасып алғанша мүддет бериңлер“ делинеди». (Имам Муслим рәўияты).
Дүйшемби әмеллер көрсетилетуғын күн. Пайғамбарымыз саллаллаҳу алайҳи ўа саллам: «Әмеллер дүйшемби ҳәм пийшемби күнлери Аллаҳға көрсетиледи», деген. (Имам Муслим рәўияты).
Демек, дүйшембини мүнәсип тәғдирлеў күни десекте болады.
Дүйшемби ораза күни. Айша разыяллаҳу анҳа) анамыз хабар бериўинше: «Расуллулоҳ саллаллаҳу алайҳи ўа саллам дүйшемби ҳәм пийшемби күнги оразаларын интизарлық пенен күтер еди». (Имам Термизий рәўияты).
Пайғамбар саллаллаҳу алайҳи ўа саллам өзлери де: «Бенделеримниң әмеллери дүйшемби ҳәм пийшемби күнлери Аллаҳ таалаға көрсетиледи. Мен әмеллеримниң Аллаҳ таалаға рузадар ҳалымда көрсетилиўин жақсы көремен», деген. 
(Имам Термизий рәўияты).
Добавить комментарий