25 май 18:55Жаңалықлар

Хош хабар: Жаңа медресе ашылды


Хош хабар: Жаңа медресе ашылды




Ҳүрметли Президентимиз тǝрепинен барлық тараўлар қатары диний-билимлендириў тараўында да алып барылып атырған түпкиликли ѳзгерислер, ǝсиресе диний тǝлим системасын жетилистириў бойынша ǝмелге асырылып атырған ийгиликли ислер журтымыз мѳмин-мусылманлары ушын үлкен саўға болмақта, десек асыра айтқан болмаймыз.

Мǝмлекетимиз Басшысының 2019-жыл 17-18-октябрь күнлери Сурхандǝьря ўǝлаятына сапары даўамында берген тапсырмаларының орынланыўы жүзесинен Сурхандǝьря ўǝлаяты Термиз қаласында “Имам Термизий” орта арнаўлы ислам билим журты шѳлкемлестирилди.

Билим журты Ѳзбекстан мусылманлары басқармасы ықтыярындағы диний билим бериў орны болып, орта арнаўлы диний мағлыўматлы ислам шǝриаты ҳǝм ҳǝдис илимлери қǝнигеси, имам-хатиблер таярланады.

Усы билим бериў орнына 2020-2021-оқыў жылы ушын абитуриентлер қабыл имтиханлары тийкарында оқыўға қабыл етиледи. Абитуриентларден ҳүжжет қабыллаў 2020-жылдың 15-июнь сǝнесинен баслап, онлайн тǝрзинде ǝмелге асырылыўы режелестирилип атыр.

Билим бериў орнына улыўма орта билим бериў (11-класс негизинде) ямаса орта арнаўлы, кǝсип-ѳнер билим бериў орынларын тамамлағанлығы ҳаққында ҳүжжет (диплом) ке ийе болған пуқаралар қабыл етиледи.

Кириў имтиханларын ѳткериўдиң тастыйықланған режими ҳǝм қабыллаў процесслерине тийисли мағлыўматлар Ѳзбекстан мусылманлары басқармасының muslim.uz сайты ҳǝм басқа социаллық тармақлар арқалы берип барылады.

Журтымызда тағы бир диний тǝлим мекемеси дүзилиўи халқымызға, ǝсиресе, оазислилерге күтǝ үлкен Рамазан саўғасы болды, Аллаҳ таала усы медресени мүбǝрек етсин!

Салоҳиддин Шерхонов, Тǝлим ҳǝм илимий-изертлеў бѳлими басқарыўшысы.

Дерек: Muslim.uz


Добавить комментарий
Жаңалықлар лентасы
Көп оқылған мақалалар