11 июл 13:25Жаңалықлар

Шайх Чубак ҳажы Жалилов раҳимаҳуллаҳ


Шайх Чубак ҳажы Жалилов раҳимаҳуллаҳ



Орта Азияның ең танықлы ҳәм жетик уламаларынан есапланған шайх Чубак ҳажы Жалилов 1975 жыл 21 январь күни Қырғызстан Республикасы Жалалабад ўәлаяты Базарқорған районының Бой-Мундуз аўылында зыялылар шаңарағында дүньяға келген. Шайх Чубак ҳажы орта мектепти қызыл дипломға тамамлап, 1992-96 жылларда Қырғызстандағы «Ҳәзирети Умар» атындағы Қырғыз-Ислам университетинде тәлим алған. 2000-2002 жылларда Саўдия Арабыстандағы «Уммул Қуро» халықаралық университети жанындағы Араб тили институтында, 2002-2006 жылларда сол университеттиң «Фиқҳ» пәни бойынша тәлим алған.

2010-2012 жыллар даўамында Қырғызстан Республикасы муфтийи лаўазымында жумыс алып барған шайх Чубак ҳажы Жалилов коррупцияға қарсы қатты гүрес алып барған уламалардан еди. 

Сондай-ақ, фиқҳ, араб тили грамматикасы, тәфсир, ҳәдис пәнлеринен илим талап қылыўшыларға сабақ берген. 

Мағлыўматларға көре, устаз шайх Чубак ҳажының жеке китапханасы болып, китапхана фондын он мыңға жақын китаплар ҳәмде қырғыз көркем әдебияты ҳәм усы журттың тарийхына тийисли шығармалардан ибарат. Жетик алым Чубак ҳажы күнине 500 бет китап оқыўды өзине ўазыйпа қылып алған екен. 

Аллаҳ таала мархумды Өзиниң рейими ҳәм мағфиратына орасын, изинен қалған шаңарақ ағзалары ҳәм перзентлерине шырайлы сабыр берсин!

Иннәә лилләәҳи ўә иннәә иләйҳи роожиъуўн!

«Әлбетте, бизлер Аллаҳтикимиз ҳәм әлбетте, бизлер Оған қайтыўшымыз»


Дерек: Islom.uz 

Добавить комментарий