20 апр 05:08Фиқҳ / Намаз

Намаздағы мәкруҳ әмеллер


Намаздағы мәкруҳ әмеллер




Төмендегилер намаздың мәкруҳ әмеллери есапланады:

– намазда итибарсыз, бийпәрўа қылынған ҳәр бир әмел;

– қолды белге қойыў;

– намаз оқыўшы адамның ибадат ўақтында сәждеси ушын тосқынлық қылатуғын майда тасларды сүрип таслаўы (бирақ бир мәрте қылыўға руқсат);

– егер намаз оқыўшы топыраққа сәжде қылған болса, намаздан турғанда маңлайын тазалап сыпырыўы;

– Сәллесиниң пешине яки бас кийим маңлайға түсип сәжде қылыўы;

– ер адамлар сәжде қылғанда еки қолының билегин жерге тийгизиўи;

– намаз оқыўшы адам кийимин ийнине таслап ямаса жыйнастырып, жеңин түрип қойыўы;

– имам жәмәәт алдында намаз оқығанда жүдә бәлентте турыўы;

– жәмәәт намазында алдынғы сапта бос орын болатурып кейинги сапта турыўы;

– намаз оқыўшының кийиминде, сәжде қылатуғын жеринде ҳәм арқа тәрепинен басқа жерлерде жанлы нәрселердиң сүўрети болыўы (бирақ, бул сүўрет жүдә кишкене яки басы өширилген болса, зыяны жоқ).

– ески кийим менен намаз оқыў;

– намаз оқып атырғанда кирәәтти ҳәм тасбеҳлерди қол менен санап турыў.

– нмаздың ўәжиб әмеллеринен бирин қастан тәрк етсе макруҳы таҳриймий болады;

– рукуъға баратырғанда ҳәм оннан қайтып атырғанда еки қолды көтериў;

– намаздың сүннетлеринен бирин қастан тәрк етсе;

– екинши рәкааттың қирәәтын биринши рәкааттың қирәәтынан узын қылса;

– парыз намазда бир сүрени еки рәкаатта да тәкирар оқыса;

– Қурандағы тәртипке қайшы тәризде қирәәт қылса;

– рукуъ ҳәм сәждеде қирәәт қылыў;

– қол менен кийим, дене ҳәм сақалды аз муғдарда услап ҳәрекет қылыў;

– бармақаларын бир-бириниң арасына киргизиў;

– көзди жумып алыў;

– бир аяғын көтерип турыў;

– қәжет қыстап турғанда намаз оқыў;

– түкириў; 

– еснеў;

– сәлемге ишара менен әлик алыў;

– парыздың кейинги еки рәкаатында сүре яки аят қирәәт қылыў;

– жанып турған отқа қарап намаз оқыў;



Мәкруҳ болмаған әмеллер


1. Намаз оқымай отырған адамның арқасында намаз оқыў.

2. Намаз оқыўшының намазда турғанда жылан, шаян сыяқлы нәрселерди өлтириўи.

Добавить комментарий
Жаңалықлар лентасы