06 апр 14:31Фиқҳ / Закат

ЗӘКАТТЫҢ ФИҚҲИЙ ҲҮКИМЛЕРИ


ЗӘКАТТЫҢ ФИҚҲИЙ ҲҮКИМЛЕРИ



I. Зәкат бериўшиде болыўы лазым шәртлер:

1. Мусылман болыўы;

2. Балағатқа жеткен болыўы;

3. Ҳүр (азат) болыўы;

4. Ақыллы болыўы.

II. Зәкат парыз болыўы ушын мал-дүньяда болыўы лазым шәртлер:

1. Толық мүлик;

2. Өсип турған яки өсиўши мал;

3. Нысабқа жетиўи;

4. Тийкарғы қәжеттен артықша;

5. Қарыздан жырақ;

6. Бир жыл толған.

III. Зәкаттың туўры болыў шәртлери:

1. Нийеттиң болыўы;

2. Ҳақылыларға мүлик қылып берилиўи шәрт.


1. Нийет. 

Зәкатты бериў ўақтында  яки оны ажыратыў ўақтында нийет қылыў шәрт. Ма-дүньяның ҳәммесин садақа қылып жиберсе, нийет қылыў шәрт емес.

Зәкат туўры болып, орнына өтиўи ушын ең әҳмийетли шәрт оны бериўди нийет қылыў. Себеби, Исламда ҳеш бир ибадат нийетсиз болмайды. 


2. Ҳақылыларға мүлик қылып берилиўи шәрт.

Зәкат бериў туўры болыўы ушын ажыратылған мал-дүнья зәкат бериўши тәрепинен ҳақылыларға мүлик қылып берилиўи керек. Пайдаланып турыўға берилген буйымлар зәкат болмайды, сондай-ақ инсанларды аўқатландырып, «мине усы мениң зәкатым» деп айтыўы дурыс болмайды. Бирақ тағам сатып алып, зәкат деп нийет қылып берсе болады.

Ҳанафий мәзҳабы бойынша мәжнүн ҳәм жас балаға зәкат берип болмайды.

«Садақа қылынды», дегени биреўге бир нәрсени мүлик қылып берди, дегени. «жарлыларға тийисли» дегенде араб тили қағыйдасында оларға мүлик қылып бериў түсиниледи.


Дерек: Islom.uz


Добавить комментарий
Ваше Имя:
Ваш E-Mail:
Код:
Кликните на изображение чтобы обновить код, если он неразборчив
Введите код:
Жаңалықлар лентасы